ek paidal chalne wale dost ka nauha

hujūm se bach ke

suune suune ḳhamosh rastoñ pe chalne vaalā

vo us zamāne meñ pā-pyāda musāfirat kā amiin

rasta badal chukā hai

nazar abas us kā naqsh

mānūs rāstoñ par

talāsh kar ke chauñktī hai

mujhe ḳhabar hai vo jā chukā hai

vo jā-ba-jā raah meñ ubhartī shabīh us kī

nigāh kī tishnagī ne misl-e-sarāb ījād kar rakhī hai

jab āḳhirī baar us ko dekhā

to us kā rasta badal chukā thā

har ik tarīqa badal chukā thā

hujūm se bach ke chalne vaalā

hujūm ke saath chal rahā thā

jab āḳhirī baar us ko dekhā

to umr bhar kī musāfirat ke ḳhilāf

us ko savār dekhā

aur us ke pahlū meñ pā-pyāda hujūm ko sogvār dekhā

hujum se bach ke

sune sune KHamosh raston pe chalne wala

wo us zamane mein pa-pyaada musafirat ka amin

rasta badal chuka hai

nazar abas us ka naqsh

manus raston par

talash kar ke chaunkti hai

mujhe KHabar hai wo ja chuka hai

wo ja-ba-ja rah mein ubharti shabih us ki

nigah ki tishnagi ne misl-e-sarab ijad kar rakhi hai

jab aaKHiri bar us ko dekha

to us ka rasta badal chuka tha

har ek tariqa badal chuka tha

hujum se bach ke chalne wala

hujum ke sath chal raha tha

jab aaKHiri bar us ko dekha

to umr bhar ki musafirat ke KHilaf

us ko sawar dekha

aur us ke pahlu mein pa-pyaada hujum ko sogwar dekha