ek raushan jawan justuju

justujū kā niDar qāfila

mish.aleñ thaam kar, raat ko chīrtā

hañstā gaatā huaa, apnī manzil kī jānib ravāna huā

sab ke chehroñ par raushan huiiñ kāvisheñ

khojī āñkhoñ meñ jhilmil sitāre jale

kitnī raushan fazā kitnī raushan fazā!!

aao apne qadam tez kar leñ ki vo sāmne apnī mehnat kā paudā tanāvar shajar ban gayā

par ye raushan fazā meñ dhundalkā sā kyuuñ chhā gayā

(mish.aloñ ko jalā.e rakho sāthiyo, giit gaate raho, aage baḌhte raho)

ek chamkīlā gosha dikhā.ī nahīñ de rahā, kin añdheroñ kī faujoñ kā hamla huā

(mish.aloñ ko jalā.e rakho)

manzileñ to qarīb aa ga.iiñ

phir ye qadmoñ meñ beḌī sī kyaa!

phir ye āñkhoñ pe bādal se kyuuñ

mish.aloñ kī qatāreñ rukīñ (aur chalte hue saa.e bhī tham ga.e)

giit sab tauq-e-gardan hue

qāfila dā.era ban gayā jhuk gayā ro diyā

ek manzar sadā ke liye giilī āñkhoñ meñ zinda huā

ek baazū girā

ek mish.al bujhī

ek raushan javāñ justujū so ga.ī

ek chamkīlā gosha añdherā huā

justuju ka niDar qafila

mishalen tham kar, raat ko chirta

hansta gata hua, apni manzil ki jaanib rawana hua

sab ke chehron par raushan huin kawishen

khoji aankhon mein jhilmil sitare jale

kitni raushan faza kitni raushan faza!!

aao apne qadam tez kar len ki wo samne apni mehnat ka pauda tanawar shajar ban gaya

par ye raushan faza mein dhundalka sa kyun chha gaya

(mishalon ko jalae rakho sathiyo, git gate raho, aage baDhte raho)

ek chamkila gosha dikhai nahin de raha, kin andheron ki faujon ka hamla hua

(mishalon ko jalae rakho)

manzilen to qarib aa gain

phir ye qadmon mein beDi si kya!

phir ye aankhon pe baadal se kyun

mishalon ki qataren rukin (aur chalte hue sae bhi tham gae)

git sab tauq-e-gardan hue

qafila daera ban gaya jhuk gaya ro diya

ek manzar sada ke liye gili aankhon mein zinda hua

ek bazu gira

ek mishal bujhi

ek raushan jawan justuju so gai

ek chamkila gosha andhera hua