ek saat

mehrbāñ saa.at ne

apnī god meñ

phūloñ kā guldasta sajāyā

havāoñ ko bulāyā

aur kahā dekho

zamīñ se āsmāñ tak

hadd-e-taḳhayyul-o-bayāñ tak

makāñ se lā-makāñ tak

tum jahāñ tak jaao

merī ḳhushbueñ hamrāh le jaao

ki imshab arsh se aisā sitāra maiñ ne paayā

ki ghar merā munavvar ho gayā

aaj hī ke din hamāre dar pe sūraj ne sadā dī thī

yahī vo din hai jab

ham par hamāre ghar ke darvāze khule the

mehrban saat ne

apni god mein

phulon ka guldasta sajaya

hawaon ko bulaya

aur kaha dekho

zamin se aasman tak

hadd-e-taKHayyul-o-bayan tak

makan se la-makan tak

tum jahan tak jao

meri KHushbuen hamrah le jao

ki imshab arsh se aisa sitara main ne paya

ki ghar mera munawwar ho gaya

aaj hi ke din hamare dar pe suraj ne sada di thi

yahi wo din hai jab

hum par hamare ghar ke darwaze khule the