ek sahab aur nujumi

ek sāhib ne nujūmī se kahā ye to batā

kah rahā hai kyā sitāra ab mirī taqdīr kā

hotī hai dā.īñ hathelī meñ mire khujlī bahut

ye batā merā muqaddar kyā mujhe dikhlā.egā

zā.icha dekhā nujūmī ne to batlāyā unheñ

ye nishānī hai tujhe paisa bahut mil jā.egā

phir kahā bā.īñ hathelī meñ bhī khujlī hai bahut

to kahā ki sab ye paisa ḳharch bhī ho jā.egā

phir kahā ki dāhine talve meñ khujlī hai bahut

to ye batlāyā ki tū lambe safar par jā.egā

phir kahā ki baa.eñ talve meñ bhī khujlī hai bahut

to kahā tū us safar se jald vāpas āye.gā

phir kahā ki piiTh meñ bhī mere khujlī hai bahut

tab nujūmī ne bahut jhuñjhlā ke ye us se kahā

tū kahāñ se aa gayā hai kaan khāne ke liye

tujh ko ḳhārish kā maraz hai doctor ke paas jā

ek sahib ne nujumi se kaha ye to bata

kah raha hai kya sitara ab meri taqdir ka

hoti hai dain hatheli mein mere khujli bahut

ye bata mera muqaddar kya mujhe dikhlaega

zaicha dekha nujumi ne to batlaya unhen

ye nishani hai tujhe paisa bahut mil jaega

phir kaha bain hatheli mein bhi khujli hai bahut

to kaha ki sab ye paisa KHarch bhi ho jaega

phir kaha ki dahine talwe mein khujli hai bahut

to ye batlaya ki tu lambe safar par jaega

phir kaha ki baen talwe mein bhi khujli hai bahut

to kaha tu us safar se jald wapas aayega

phir kaha ki piTh mein bhi mere khujli hai bahut

tab nujumi ne bahut jhunjhla ke ye us se kaha

tu kahan se aa gaya hai kan khane ke liye

tujh ko KHarish ka maraz hai doctor ke pas ja