ایک سوال

دھرتی ماں کی آنکھ کا آنسو پوچھ رہا ہے ایک سوال

تیرا خنجر میرا سینہ کچھ تو بتا کب تک مرے لال

کیوں اس گاؤں کے رہنے والے شہر میں رستہ بھول گئے

کچھ دن سے ویران بہت ہے بوڑھے بابا کی چوپال

ذات کی حد بندی سے آخر کیسے مکتی پائیں گے

تیرا حصہ میرا حصہ حصوں کا یہ بکھرا جال

ہونٹوں پر تہذیب کے کیسی دبی دبی یہ چیخیں ہیں

ہم تو یہاں سننے آئے تھے راگنیاں ملہار اور تال

بھیا اب تو اخباروں کو چھوتے ہوئے ڈر لگتا ہے

ہر سرخی میں خون خرابہ دہشت وحشت اور ہڑتال