ek tassur

kā.enāt raqs kar ke thak ga.ī

sab charāġh bujh ga.e

dil kī har ummīd bhī bahak ga.ī

kis tarah koī jiye

valvale ubhar ubhar ke so ga.e

ab koī ḳhushī nahīñ

giit sail-e-zaḳhm-e-dil meñ kho ga.e

ġham meñ dilkashī nahīñ

har karam mire liye machal uThā

ḳhud-sarī ko kyā karūñ

rahmatoñ se ye dimāġh jal uThā

chāñdnī ko kyā karūñ

zikr-e-hādsāt kar rahā huuñ maiñ

shā.erī se kyā ġharaz

zindagī kī baat kar rahā huuñ maiñ

āshiqī se kyā ġharaz

ab mujhe zarūrat-e-karam nahīñ

zahr ko samajh gayā

terā saath chhūTne kā ġham nahīñ

dahr ko samajh gayā

kaenat raqs kar ke thak gai

sab charagh bujh gae

dil ki har ummid bhi bahak gai

kis tarah koi jiye

walwale ubhar ubhar ke so gae

ab koi KHushi nahin

git sail-e-zaKHm-e-dil mein kho gae

gham mein dilkashi nahin

har karam mere liye machal uTha

KHud-sari ko kya karun

rahmaton se ye dimagh jal uTha

chandni ko kya karun

zikr-e-hadsat kar raha hun main

shaeri se kya gharaz

zindagi ki baat kar raha hun main

aashiqi se kya gharaz

ab mujhe zarurat-e-karam nahin

zahr ko samajh gaya

tera sath chhuTne ka gham nahin

dahr ko samajh gaya