ek tir apne liye

is kaun-o-makāñ kī dahlīz ubuur karne se pahle

sharābor badan ko poñchhe baġhair apnī musībatoñ kā zamīñ aisā bojh utāre baġhair

ham apne lahū kā mahsūl adā kar chuke haiñ

ham jo sitāra-shanās haiñ ham jo parindoñ kī yak uḌaan se mausamoñ

kā mizāj bhāñp lete haiñ ham jo ā.īnoñ meñ chaTaḳhtī huī tahzīboñ kī tashḳhīs kā raaz

jānte haiñ jo ruk ruk kar chaltī havāoñ sisakte samundaroñ ke shor se

galiyoñ meñ hujūmoñ kī āh-o-bukā se bhayānak ḳhvāboñ se ojhal ta.abīroñ

se māvarā muqaddaroñ aur saltantoñ kā qayāfa lagāte haiñ

lekin apne baare meñ kuchh bhī na jānte hue ek maftūh kī tarah

tārīḳh ke ek mafrūr kī tarah thake haare darīda kapḌoñ meñ malbūs badan

par zaḳhmoñ kī mahr liye shikasta barahna shamshīr kā sahārā liye is dahlīz ko ubuur

karte haiñ

aah ham ne qadīm tahzīboñ meñ na.e tamaddunoñ meñ aslahe ke

kār-ḳhānoñ meñ rusvā auratoñ ke shabistānoñ meñ bankoñ kī tijoriyoñ meñ

madrasoñ ke moallimoñ kī āvāzoñ meñ panāh lī

lekin hamāre liye kahīñ bhī jā-e-panāh nahīñ thī ki har lamhe hamāre qayām

kā raaz dūsre ke liye iztirāb ban jaatā

kaun jāntā hai ki is dahlīz ke paar kitnī tanhā.iyāñ hameñ

mismār karne ke liye hameñ dīvāngī kī ḳhil.at dene ke liye intizār

meñ haiñ

ham bhes badal chuke haiñ ki bad-nasībī hamāre ta.āqub meñ ḳhaak uḌātī huī

hamāre naqsh-e-pā kī zanjīr joḌte hue phir hameñ hisār meñ na le sake

aur ham lamha bhar ke liye apnī bahālī kī ḳhātir phaḌ.phaḌāte naqsha parcha

par iztirāb rakhe hue kotāhiyoñ ko quvvat meñ badalne kī soch meñ ġhaltāñ haiñ

lekin dūsre pattharoñ par ghoḌoñ ke sum chiñgāriyāñ barsāte

hue aage baḌh rahe haiñ aur hamāre tarkash meñ sirf ek hī tiir hai

apne liye aur un ke liye

is kaun-o-makan ki dahliz ubur karne se pahle

sharabor badan ko ponchhe baghair apni musibaton ka zamin aisa bojh utare baghair

hum apne lahu ka mahsul ada kar chuke hain

hum jo sitara-shanas hain hum jo parindon ki yak uDan se mausamon

ka mizaj bhanp lete hain hum jo aainon mein chaTaKHti hui tahzibon ki tashKHis ka raaz

jaante hain jo ruk ruk kar chalti hawaon sisakte samundaron ke shor se

galiyon mein hujumon ki aah-o-buka se bhayanak KHwabon se ojhal tabiron

se mawara muqaddaron aur saltanton ka qayafa lagate hain

lekin apne bare mein kuchh bhi na jaante hue ek maftuh ki tarah

tariKH ke ek mafrur ki tarah thake haare darida kapDon mein malbus badan

par zaKHmon ki mahr liye shikasta barahna shamshir ka sahaara liye is dahliz ko ubur

karte hain

aah hum ne qadim tahzibon mein nae tamaddunon mein aslahe ke

kar-KHanon mein ruswa auraton ke shabistanon mein bankon ki tijoriyon mein

madrason ke moallimon ki aawazon mein panah li

lekin hamare liye kahin bhi ja-e-panah nahin thi ki har lamhe hamare qayam

ka raaz dusre ke liye iztirab ban jata

kaun jaanta hai ki is dahliz ke par kitni tanhaiyan hamein

mismar karne ke liye hamein diwangi ki KHilat dene ke liye intizar

mein hain

hum bhes badal chuke hain ki bad-nasibi hamare taaqub mein KHak uDati hui

hamare naqsh-e-pa ki zanjir joDte hue phir hamein hisar mein na le sake

aur hum lamha bhar ke liye apni bahaali ki KHatir phaDphaDate naqsha parcha

par iztirab rakhe hue kotahiyon ko quwwat mein badalne ki soch mein ghaltan hain

lekin dusre pattharon par ghoDon ke sum chingariyan barsate

hue aage baDh rahe hain aur hamare tarkash mein sirf ek hi tir hai

apne liye aur un ke liye