ek umr hoti hai

ek umr hotī hai

jis meñ koī laḌkā ho

yā vo koī laḌkī ho

sochte haiñ donoñ hī

ham hī harf-e-avval haiñ

is jahān-e-kohna ko

apnī fikr-e-nau se ham

ik lagan kī lau se ham

jis tarah kā chāheñge

vaisā hī banā leñge

pattharoñ ko mar-mar ke

paikaroñ meñ Dhāleñge

ek umr hotī hai

jis meñ koī laḌkā ho

yā koī laḌkī ho

sochte haiñ donoñ hī

kitne azm the apne

nazr-e-ḳhāk haiñ saare

baat dāmanoñ kī kyā

chaak chaak dil bhī haiñ

ham ki harf-e-avval the

harf-e-āḳhirīñ bhī nahīñ

ham ki āsmāñ se the

zarra-e-zamīñ bhī nahīñ

ek umr hotī hai

ḳhvāhishoñ kī jazboñ kī

ek umr hotī hai

kāhishoñ kī sadmoñ kī

ek umr hoti hai

jis mein koi laDka ho

ya wo koi laDki ho

sochte hain donon hi

hum hi harf-e-awwal hain

is jahan-e-kohna ko

apni fikr-e-nau se hum

ek lagan ki lau se hum

jis tarah ka chahenge

waisa hi bana lenge

pattharon ko mar-mar ke

paikaron mein Dhaalenge

ek umr hoti hai

jis mein koi laDka ho

ya koi laDki ho

sochte hain donon hi

kitne azm the apne

nazr-e-KHak hain sare

baat damanon ki kya

chaak chaak dil bhi hain

hum ki harf-e-awwal the

harf-e-aKHirin bhi nahin

hum ki aasman se the

zarra-e-zamin bhi nahin

ek umr hoti hai

KHwahishon ki jazbon ki

ek umr hoti hai

kahishon ki sadmon ki