ektare wala banjara

ruḳhsat

ai havā-e-yaḳh-basta

phāgun kī havā gaatī aa.ī

par khol ke jaagī añgḌā.ī

bāġhoñ meñ aam kī shāḳhoñ par

phir man lalchāte baur lage

bachpan ko sharārat phir sūjhī

sardī se ThiThurī gaThḌī sī

kambaḳht ḳhatā.eñ phir sankīñ

koyal minqār meñ kuuk liye

ḳhushbū kī jasāmat DhūñD rahī

pāgal-pan kī tasvīr huī

phir man jañgal meñ

mor ne raqs ko dāvat dī

sukḌī simTī shiryānoñ meñ

phir maujeñ hiloreñ lene lagīñ

phir lams-e-havā ne dahkā.ī

miTTī meñ numū kī chiñgārī

lekin jānāñ

ye hariyālī

kyoñ gaañv se shahar nahīñ aatī

man galiyāre meñ nahīñ gaatā

ektāre vaalā banjārā

ruKHsat

ai hawa-e-yaKH-basta

phagun ki hawa gati aai

par khol ke jagi angDai

baghon mein aam ki shaKHon par

phir man lalchate baur lage

bachpan ko shararat phir sujhi

sardi se ThiThuri gaThDi si

kambaKHt KHataen phir sankin

koyal minqar mein kuk liye

KHushbu ki jasamat DhunD rahi

pagal-pan ki taswir hui

phir man jangal mein

mor ne raqs ko dawat di

sukDi simTi shiryanon mein

phir maujen hiloren lene lagin

phir lams-e-hawa ne dahkai

miTTi mein numu ki chingari

lekin jaanan

ye hariyali

kyon ganw se shahar nahin aati

man galiyare mein nahin gata

ektare wala banjara