election

intiḳhāb kā mausam aa kar guzar chukā

netāoñ ke va.ade

panditoñ kī arādhnā

jubba-o-dastār ke farmān

ham sab ne sune

sabhoñ ne ek hī baat kahī hai

achchhe din aane vaale haiñ

un dinoñ kī ḳhvāhish meñ

jaane kitne saal guzre haiñ

jab

khetoñ kī hariyālī sāhūkāroñ se bach jaa.e

mazdūroñ kā ḳhūn-pasīna apnā rang dikhlā.e

pūñjī-patiyoñ ke mahloñ ke saath

ġharīboñ kī kuTiyā meñ tarang aa jaa.e

bhuuk aur be-rozgārī zer-e-dām aa jaa.e

aadmī bhuuk se mahfūz ho jaa.e

aurat kī azmat pāmāl na ho

corruption kī la.anat duur ho jaa.e

sab ko un ke hisse ke sukh mil jaa.eñ

ā.īye sab mil kar intizār kareñ ki

vo achchhe din aa hī jaa.eñ

ki intizār bharī āñkhoñ meñ

ḳhvāboñ kī bastī

ab sone hī vaalī hai

intiKHab ka mausam aa kar guzar chuka

netaon ke wade

panditon ki aradhna

jubba-o-dastar ke farman

hum sab ne sune

sabhon ne ek hi baat kahi hai

achchhe din aane wale hain

un dinon ki KHwahish mein

jaane kitne sal guzre hain

jab

kheton ki hariyali sahukaron se bach jae

mazduron ka KHun-pasina apna rang dikhlae

punji-patiyon ke mahlon ke sath

gharibon ki kuTiya mein tarang aa jae

bhuk aur be-rozgari zer-e-dam aa jae

aadmi bhuk se mahfuz ho jae

aurat ki azmat pamal na ho

corruption ki lanat dur ho jae

sab ko un ke hisse ke sukh mil jaen

aaiye sab mil kar intizar karen ki

wo achchhe din aa hi jaen

ki intizar bhari aankhon mein

KHwabon ki basti

ab sone hi wali hai