email

yuuñ hī email se aa jaate haiñ saada se ḳhutūt

sādgī itnī ki ḳhushbū na ve rañg liye

haañ vahī rañg jo tere lab-o-ruḳhsār kā hai

ab to kāġhaz pe koī naqsh ubhartā hī nahīñ

haañ vahī naqsh tere mehñdī lage hāthoñ kā

ab kisī harf se aatī nahīñ ḳhushbū terī

kaise alfāz haiñ ye jo terī sāñsoñ kī mahak

bin sameTe hue chup-chāp chale aate haiñ

itnī chup-chāp ki aahaT bhī nahīñ mil paatī

kam se kam dekhiye āvāz diyā kartā thā

aur ab ham yahāñ logoñ kiyā karte haiñ

ḳhat ke pahlū meñ ab aatā hī nahīñ zulf kā baal

ab to mahsūs nahīñ hotī zabān-e-taslīm

ab to scrēn pe ādāb liyā karte haiñ

ab faqat DhūñDh ke rah jaate haiñ sūrat terī

ab to bas tū hī samajhtā hai zarūrat merī

ai na.e daur ye email mubārak ho tujhe

ye taraqqī kā nayā taur mubārak ho tujhe

dil sulagtā hai magar dekh dhuāñ bhī to nahīñ

hoñT rakhūñ to kahāñ pairoñ ke nishāñ bhī to nahīñ

dil ke bahlāne ko inbox meñ ghuum aatā huuñ

ain mumkin hai terā mel koī aayā ho

garche aayā bhī to mālūm hai kyā lā.egā

ik tasallī terā paiġhām koī laayā ho

jaan kar zahar bhī ham zahar piye dete haiñ

jaane kyoñ page ko refresh kiye dete haiñ

mel khulte hī merā saarā bharam TuuT gayā

dekhiye kyā to hamesha ki liye chhūT gayā

tishnagī phir se vahī phir se vahī bechainī

hoñT rakhūñ to kahāñ par ki nishāñ bhī to nahīñ

yun hi email se aa jate hain sada se KHutut

sadgi itni ki KHushbu na we rang liye

han wahi rang jo tere lab-o-ruKHsar ka hai

ab to kaghaz pe koi naqsh ubharta hi nahin

han wahi naqsh tere mehndi lage hathon ka

ab kisi harf se aati nahin KHushbu teri

kaise alfaz hain ye jo teri sanson ki mahak

bin sameTe hue chup-chap chale aate hain

itni chup-chap ki aahaT bhi nahin mil pati

kam se kam dekhiye aawaz diya karta tha

aur ab hum yahan logon kiya karte hain

KHat ke pahlu mein ab aata hi nahin zulf ka baal

ab to mahsus nahin hoti zaban-e-taslim

ab to screen pe aadab liya karte hain

ab faqat DhunDh ke rah jate hain surat teri

ab to bas tu hi samajhta hai zarurat meri

ai nae daur ye email mubarak ho tujhe

ye taraqqi ka naya taur mubarak ho tujhe

dil sulagta hai magar dekh dhuan bhi to nahin

honT rakhun to kahan pairon ke nishan bhi to nahin

dil ke bahlane ko inbox mein ghum aata hun

ain mumkin hai tera mel koi aaya ho

garche aaya bhi to malum hai kya laega

ek tasalli tera paigham koi laya ho

jaan kar zahar bhi hum zahar piye dete hain

jaane kyon page ko refresh kiye dete hain

mel khulte hi mera sara bharam TuT gaya

dekhiye kya to hamesha ki liye chhuT gaya

tishnagi phir se wahi phir se wahi bechaini

honT rakhun to kahan par ki nishan bhi to nahin