fasla

zamāna vo bhī thā ab se pahle

kisī ḳhabar ko kahīñ rasā.ī ke vāste ik sadī kā arsa lagānā paḌtā thā

us ke bā-vasf

kabhī musāfir ko bāzyābī nasīb hotī thī aur kabhī rāste meñ dam us kā TuuT jaatā thā

masāfatoñ kā tavīl dhāgā agarche gole meñ aT gayā hai

tanāb dhartī kī yuuñ khiñchī hai

jahāñ kahīñ ho rahā hai jo kuchh bhī is amal meñ to dūsre bhī isī amal meñ usī tarah haz uThā rahe haiñ

ye ghar se bāhar ke lamhe lamhe se bā-ḳhabar haiñ

magar unheñ apne ghar kī koī ḳhabar nahīñ hai

kisī kī ḳhātir paḌos bastā hai kaale kosoñ

koī ḳhud apne hī ghar meñ ek ajnabī huā hai

diloñ kī qurbat meñ ret duurī kī uḌ rahī hai

ajiib sā fāsla ugā hai

zamana wo bhi tha ab se pahle

kisi KHabar ko kahin rasai ke waste ek sadi ka arsa lagana paDta tha

us ke ba-wasf

kabhi musafir ko bazyabi nasib hoti thi aur kabhi raste mein dam us ka TuT jata tha

masafaton ka tawil dhaga agarche gole mein aT gaya hai

tanab dharti ki yun khinchi hai

jahan kahin ho raha hai jo kuchh bhi is amal mein to dusre bhi isi amal mein usi tarah haz uTha rahe hain

ye ghar se bahar ke lamhe lamhe se ba-KHabar hain

magar unhen apne ghar ki koi KHabar nahin hai

kisi ki KHatir paDos basta hai kale koson

koi KHud apne hi ghar mein ek ajnabi hua hai

dilon ki qurbat mein ret duri ki uD rahi hai

ajib sa fasla uga hai