fasla

na phir vo maiñ thā

na phir vo tum the

na jaane kitnī masāfateñ darmiyāñ khaḌī thiiñ

us ek lamhe ke ā.īne par

na jaane kitne baras pareshān dhuul kī tarah se jame the

jinheñ rifāqat samajh ke ham donoñ mutma.in the

is ek lamhe ke ā.īne meñ

jab apne apne naqāb ulaT kar

ḳhud apne chehroñ ko ham ne dekhā

to ek lamha

vo ek lamhe kā ā.īna kitnī sadiyoñ kitne hazār mīloñ kī shakl meñ

darmiyāñ khaḌā thā

na phir vo maiñ thā na phir vo tum the

bas ek vīrāñ ḳhamosh sahrā bas ek vīrāñ ḳhamosh sahrā

na phir wo main tha

na phir wo tum the

na jaane kitni masafaten darmiyan khaDi thin

us ek lamhe ke aaine par

na jaane kitne baras pareshan dhul ki tarah se jame the

jinhen rifaqat samajh ke hum donon mutmain the

is ek lamhe ke aaine mein

jab apne apne naqab ulaT kar

KHud apne chehron ko hum ne dekha

to ek lamha

wo ek lamhe ka aaina kitni sadiyon kitne hazar milon ki shakl mein

darmiyan khaDa tha

na phir wo main tha na phir wo tum the

bas ek viran KHamosh sahra bas ek viran KHamosh sahra