faisla

ham ek dūsre kā

libās bane the

aur ta'alluqāt kī is ḳhūbsūrat maalā meñ

hameñ ḳhud ko piro.e

bas do hī din hue the

ki yak-dam

mere dil ke kisī nā-āsūda goshe meñ

ye ehsās paidā huā

ki zarūr kahīñ koī baat

ġhalat ho ga.ī hai

aur jaise is ḳhūbsūrat rishte kī

pahlī iiñT hī TeḌhī rakhī ga.ī hai

merā dil bujh sā gayā

lekin maiñ ne sar ko jhaTkā

aur dil ko malāmat kī

abhī din hī kitne hue haiñ

vaqt guzartā rahā

aur ham donoñ

do muḳhtalif dhāroñ meñ

bahte chale ga.e

ye jānte hue

ki ham ek dūsre ke liye

nahīñ banā.e ga.e

balki hamārī ba.az zarūratoñ se

paidā hone vaalī

zimmadāriyoñ kī vajah se

ham ek saath rahne par majbūr haiñ

ka.ī barsoñ ke baa'd

jab ham ek nā-pasandīda

magar fitrī faisla karne par majbūr hue

to hamārā libās

pahle hī se tār-tār thā

aur hamāre ird-gird ke log

na chāhte hue bhī

hamāre rishte kī uryānī kā

nazāra kar sakte the

hum ek dusre ka

libas bane the

aur ta'alluqat ki is KHubsurat mala mein

hamein KHud ko piroe

bas do hi din hue the

ki yak-dam

mere dil ke kisi na-asuda goshe mein

ye ehsas paida hua

ki zarur kahin koi baat

ghalat ho gai hai

aur jaise is KHubsurat rishte ki

pahli inT hi TeDhi rakhi gai hai

mera dil bujh sa gaya

lekin main ne sar ko jhaTka

aur dil ko malamat ki

abhi din hi kitne hue hain

waqt guzarta raha

aur hum donon

do muKHtalif dhaaron mein

bahte chale gae

ye jaante hue

ki hum ek dusre ke liye

nahin banae gae

balki hamari baz zaruraton se

paida hone wali

zimmadariyon ki wajah se

hum ek sath rahne par majbur hain

kai barson ke ba'd

jab hum ek na-pasandida

magar fitri faisla karne par majbur hue

to hamara libas

pahle hi se tar-tar tha

aur hamare ird-gird ke log

na chahte hue bhi

hamare rishte ki uryani ka

nazara kar sakte the