faisla

jis raah se guzar kar

tum mere paas aa.ī thiiñ

usī raah se guzar kar

kisī tarah tum ab lauT jaao

ab hamāre darmiyāñ

koī dār-o-rasan nahīñ rahe

na jaane kyoñ ham ab

tumhāre ġham meñ jāgne ke qaa.il nahīñ rahe

masīh ban ke nikle the lekin

kahīñ koī qātil nahīñ rahe

vaqt ke saath ham ne bhī

me.ār-e-vafā badlā hai

tum bhī toḌ do diloñ ke ā.īne

aur apne ajdād ko rusvā kar do

shāh-rāhoñ par niklo ban-sañvar kar

jism ke har hisse kā saudā kar lo

kāsa-e-dil kī gadā.ī hameñ manzūr nahīñ

is daur meñ ab koī bhī mansūr nahīñ

jis rah se guzar kar

tum mere pas aai thin

usi rah se guzar kar

kisi tarah tum ab lauT jao

ab hamare darmiyan

koi dar-o-rasan nahin rahe

na jaane kyon hum ab

tumhaare gham mein jagne ke qail nahin rahe

masih ban ke nikle the lekin

kahin koi qatil nahin rahe

waqt ke sath hum ne bhi

mear-e-wafa badla hai

tum bhi toD do dilon ke aaine

aur apne ajdad ko ruswa kar do

shah-rahon par niklo ban-sanwar kar

jism ke har hisse ka sauda kar lo

kasa-e-dil ki gadai hamein manzur nahin

is daur mein ab koi bhi mansur nahin