فیک بوکھلاہٹ

صاف شفاف دن کے دستر خوان پر

جب شام

زندگی کا طلاق نامہ پیش کرتی ہے تو آدمی

جھنجھلا کر

اپنا نوالۂ تر کھانے کی میز پر گرا دیتا ہے

ہم نوالا سبھی

اپنے داہنے ہاتھ نوکرانی کی قمیض سے فوراً نکال لیتے ہیں

منکوحہ عورتوں کے پیٹ پر انگوار کاٹتے سفید لومڑ

اپنے رفیق کی ناگہاں موت کی خبر سنتے ہی

دو دن اور ایک رات کے لیے

ہوس کی گولیاں نہیں کھاتے

اگلی رات اور پھر وہی بات

بھائی صاحب

یہ ساری فیک بوکھلاہٹ ہے

یہ جاہل سماج ہے

یہاں منہ کا ذائقہ طمانچوں کا محتاج ہے