fake baukhalahaT

saaf shaffāf din ke dastarḳhvān par

jab shaam

zindagī kā talāq-nāma pesh kartī hai to aadmī

jhuñjhlā kar

apnā nivāla-e-tar khāne kī mez par girā detā hai

ham-nivāla sabhī

apne dāhine haath naukrāniyoñ kī qamīz se fauran nikāl lete haiñ

mankūha 'auratoñ ke peT par añgvār kāTte safed lomaḌ

apne rafīq kī nāgahāñ maut kī ḳhabar sunte hī

do din aur ek raat ke liye

havas kī goliyāñ nahīñ khāte

aglī raat aur phir vahī baat

bhaa.ī sāhab

ye saarī fake baukhalāhaT hai

ye jāhil samāj hai

yahāñ muñh kā zā.iqa tamāñchoñ kā muhtāj hai

saf shaffaf din ke dastarKHwan par

jab sham

zindagi ka talaq-nama pesh karti hai to aadmi

jhunjhla kar

apna niwala-e-tar khane ki mez par gira deta hai

ham-niwala sabhi

apne dahine hath naukraniyon ki qamiz se fauran nikal lete hain

mankuha 'auraton ke peT par angwar kaTte safed lomaD

apne rafiq ki nagahan maut ki KHabar sunte hi

do din aur ek raat ke liye

hawas ki goliyan nahin khate

agli raat aur phir wahi baat

bhai sahab

ye sari fake baukhalahaT hai

ye jahil samaj hai

yahan munh ka zaiqa tamanchon ka muhtaj hai