falsafa-e-husn-o-ishq

tū ne dastūr-e-mohabbat kā uḌāyā hai mazāq

kyā ye vahshat tirī rūdād kī ġhammāz nahīñ

dil munavvar hai magar soz-e-darūñ se mahrūm

fikr zinda hai magar mā.il-e-parvāz nahīñ

husn ġhaltīda-e-dariyā-e-tahayyur kyoñ hai

sīna-e-'ishq meñ poshīda koī raaz nahīñ

yuuñ to vo jalva-gah-e-nāz se bāhar aa jaa.eñ

jazba-e-dard meñ Duubī huī āvāz nahīñ

ḳhud-farebī meñ giraftār nahīñ hai 'bismil'

kyā ye taḳhlīq barā.e nigah-e-nāz nahīñ

tu ne dastur-e-mohabbat ka uDaya hai mazaq

kya ye wahshat teri rudad ki ghammaz nahin

dil munawwar hai magar soz-e-darun se mahrum

fikr zinda hai magar mail-e-parwaz nahin

husn ghaltida-e-dariya-e-tahayyur kyon hai

sina-e-'ishq mein poshida koi raaz nahin

yun to wo jalwa-gah-e-naz se bahar aa jaen

jazba-e-dard mein Dubi hui aawaz nahin

KHud-farebi mein giraftar nahin hai 'bismil'

kya ye taKHliq barae nigah-e-naz nahin