فقیری میں
فقیری میں بھی خوش وقتی کے
کچھ سامان فراہم تھے
خیالوں کے بگولے
مضطرب جذبوں کے ہنگامے،
تلاطم بحر ہستی میں
تموج روح کے بن میں،
عجب افتاں و خیزاں مرحلے پہنائی شب کے،
تڑپ غم ہائے ہجراں کی
لرزتی آرزو دیدار جاناں کی
عدم آباد کے صحرا میں ایک ذرہ
کہ مثل قطرۂ سیماب لرزیدہ
صدف میں ذہن کے جوں
گوہر کمیاب پوشیدہ
دل صد پارہ
جوئے غم
لرزتی کشتئ احساس
جہاں بینی کا دل میں عزم دزدیدہ
فقیری میں یہی اسباب ہستی تھا یہی درد تہہ جام تمنا تھا
یہی ساماں بچا لیتے تو اچھا تھا
فقیری میں مگر یہ کون سی افتاد آئی ہے
کہ ساماں لٹ گیا راہوں میں کاسہ دل کا خالی ہے
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
