farar ki pahli raat

naujavān kaun hai to

aayā hai kis nagrī se

naam kyā hai tirā

kyā kaam hai āḳhir mujh se

maiñ samajhtā huuñ ki is vaqt munāsib nahīñ aanā terā

tū ne kis zo.am meñ is vaqt pukārā hai mujhe

tū ne kyā soch ke dastak dī hai

aaj kī shab mire so.e hue darvāze par

naujavāñ kaun hai tū

naujavāñ jo bhī hai tū

faisla soch samajh kar ye kyā hai maiñ ne

laakh dastak koī de aaj kī raat

ghar kā darvāza kisī par bhī na ab kholūñgā

chāhe mehmān ho yā koī havā kā jhoñkā

sach to ye hai ki mujhe

ab to un taaza havāoñ se bhī Dar lagtā hai

naujavāñ Thiik sahī

to mujhe jāntā hai maiñ bhī tujhe jāntā huuñ

thī mulāqāt tirī aur mirī aaj se barsoñ pahle

lekin ab us kā ye matlab to nahīñ

tū samajh kar mujhe ham-umr apnā

jab bhī chāhe mire darvāze pe de kar dastak

ratjage mil ke manāne ke liye

mujh ko bulāne aa jaa.e

jā miyāñ aur kahīñ mujh ko pareshān na kar

naujawan kaun hai to

aaya hai kis nagri se

nam kya hai tera

kya kaam hai aaKHir mujh se

main samajhta hun ki is waqt munasib nahin aana tera

tu ne kis zoam mein is waqt pukara hai mujhe

tu ne kya soch ke dastak di hai

aaj ki shab mere soe hue darwaze par

naujawan kaun hai tu

naujawan jo bhi hai tu

faisla soch samajh kar ye kya hai main ne

lakh dastak koi de aaj ki raat

ghar ka darwaza kisi par bhi na ab kholunga

chahe mehman ho ya koi hawa ka jhonka

sach to ye hai ki mujhe

ab to un taza hawaon se bhi Dar lagta hai

naujawan Thik sahi

to mujhe jaanta hai main bhi tujhe jaanta hun

thi mulaqat teri aur meri aaj se barson pahle

lekin ab us ka ye matlab to nahin

tu samajh kar mujhe ham-umr apna

jab bhi chahe mere darwaze pe de kar dastak

ratjage mil ke manane ke liye

mujh ko bulane aa jae

ja miyan aur kahin mujh ko pareshan na kar