فراز عرش سے آگے

مکاں و لا مکاں کی بات کرتے ہیں یہ دیوانے

ہماری سر زمیں کے یا کہاں کے ہیں یہ افسانے

بھلا مریخ پر جانے کا یہ عزم جواں کیا ہے

مجھے بھی کچھ بتاؤ ان کا انداز بیاں کیا ہے

سرور و نور میں ڈوبی ہوئی تقدیر کیا شے ہے

کوئی کہتا ہے اب کونین کا ہر فاصلہ طے ہے

کوئی فکر جواں کا نام لے لے کے اچھلتا ہے

مہ و انجم اگر لا دو تو اس کا جی بہلتا ہے

نشاط کامرانی کا ہے جذبہ کس کے سینے میں

ہوئی ہے وسعت آفاق گم دل کے نگینے میں

دل کونین چلئے گیسوئے گیتی سے الجھائے

فراز عرش سے آگے مکاں اک اور بن جائے