fareb aur fareb ke darmiyan

mutriba saaz uThā shor-e-shakebā.ī kar

aa ki har sā'at-e-kamyāb ġhanīmat jāneñ

mutriba saaz uThā mujh ko magar nai de de

mere ehsās ko nāzuk sī koī shai de de

terī ḳhud.dār tabī'at kā taqāzā hai yahī

aaj kī raat ye mā'lūm huā

merā maazī mire auhām se zyāda to nahīñ

mujh ko ye vahm thā har shai ko mirī hājat hai

mujh ko ye vahm thā har shai se mujhe ulfat hai

mujh ko ye vahm thā maiñ ‘ālam-e-maujūd kā mustaqbil huuñ

is ke bar-'aks

tab'-e-insān se bargashta huuñ

apnī zid aap haiñ auhām mire maz.hab ke

maiñ bhī majmū'a-e-azdād banā baiThā huuñ

mujh ko ye vahm hai har chiiz yahāñ faanī hai

mujh ko ye vahm hai maiñ ḳhud bhī fasāna huuñ yahāñ

mujh ko ye vahm hai har ḳhvāb mirā jhūTā hai

mujh ko ye vahm hai maiñ nuqta-e-mub.ham huuñ

magar

mutriba tū mire auhām meñ shāmil bhī nahīñ

tū mire vahm kā hāsil bhī nahīñ

mutriba saaz uThā shor-e-shakebā.ī kar

aur ik baar ye hangāma-e-rusvā.ī kar

aur phir jab ki mashiyyat kā taqāza hai yahī

zard chehroñ ke ye mahtāb ġhanīmat jāneñ

mutriba saz uTha shor-e-shakebai kar

aa ki har sa'at-e-kamyab ghanimat jaanen

mutriba saz uTha mujh ko magar nai de de

mere ehsas ko nazuk si koi shai de de

teri KHuddar tabi'at ka taqaza hai yahi

aaj ki raat ye ma'lum hua

mera mazi mere auham se zyaada to nahin

mujh ko ye wahm tha har shai ko meri hajat hai

mujh ko ye wahm tha har shai se mujhe ulfat hai

mujh ko ye wahm tha main ‘alam-e-maujud ka mustaqbil hun

is ke bar-'aks

tab'-e-insan se bargashta hun

apni zid aap hain auham mere mazhab ke

main bhi majmu'a-e-azdad bana baiTha hun

mujh ko ye wahm hai har chiz yahan fani hai

mujh ko ye wahm hai main KHud bhi fasana hun yahan

mujh ko ye wahm hai har KHwab mera jhuTa hai

mujh ko ye wahm hai main nuqta-e-mubham hun

magar

mutriba tu mere auham mein shamil bhi nahin

tu mere wahm ka hasil bhi nahin

mutriba saz uTha shor-e-shakebai kar

aur ek bar ye hangama-e-ruswai kar

aur phir jab ki mashiyyat ka taqaza hai yahi

zard chehron ke ye mahtab ghanimat jaanen