fareb-e-nazar

soz-e-ulfat kā aasrā le kar

umr itnī guzār dī maiñ nai

husn kī jāñ-gudāz rāhoñ par

dil kī duniyā nisār kī maiñ ne

zindagī ke hasīn lamhoñ meñ

merī mahbūb giit gaatī thī

chāñdnī ābshār meñ dhul kar

hadiya-e-shauq le ke aatī thī

talḳhī-e-zīst kā vajūd na thā

paas vaadī meñ thī rah-e-takmīl

sarmadī ziist tauf kartī thī

apnī taḳh.īl kī hasīñ tamsīl

zindagī ke hasīn lamhoñ kī

zindagī ḳhud raqīb ban baiThī

yaañ mayassar na ho sakī takmīl

manzil-e-shauq nā-tamām rahī

dil bhī rāz-e-hayāt pā na sakā

talḳhī-e-zīst duur ho na sakī

zindagī yuuñ fareb detī hai

apnī baḳhshish ko chhīn letī hai

sarmadī ziist mujh ko mil na sakī

ek dhuñdlā sā ḳhvāb ho jaise

roz-o-shab yuuñ guzār detā huuñ

zindagī ik sarāb ho jaise

sarmadī ziist aur vo takmīl

apnī taḳh.īl kī hasīñ tamsīl

duur tāroñ kī rahguzār meñ hai

kahkashāñ ke hasīñ ġhubār meñ hai

soz-e-ulfat ka aasra le kar

umr itni guzar di main nai

husn ki jaan-gudaz rahon par

dil ki duniya nisar ki main ne

zindagi ke hasin lamhon mein

meri mahbub git gati thi

chandni aabshaar mein dhul kar

hadiya-e-shauq le ke aati thi

talKHi-e-zist ka wajud na tha

pas wadi mein thi rah-e-takmil

sarmadi zist tauf karti thi

apni taKHil ki hasin tamsil

zindagi ke hasin lamhon ki

zindagi KHud raqib ban baiThi

yan mayassar na ho saki takmil

manzil-e-shauq na-tamam rahi

dil bhi raaz-e-hayat pa na saka

talKHi-e-zist dur ho na saki

zindagi yun fareb deti hai

apni baKHshish ko chhin leti hai

sarmadi zist mujh ko mil na saki

ek dhundla sa KHwab ho jaise

roz-o-shab yun guzar deta hun

zindagi ek sarab ho jaise

sarmadi zist aur wo takmil

apni taKHil ki hasin tamsil

dur taron ki rahguzar mein hai

kahkashan ke hasin ghubar mein hai