id

khulī hai ḳhatm-e-marāhil pe sūrat-e-manzil

ye ek sabr kā samra hai vaz.a-dāroñ ko

gulū kā shahad bar aaya lab-e-shahādat par

tulūa-e-māh-e-mubārak ho intizāroñ ko

tulū-e-sub.h-e-musā.id se shām-e-ishrat tak

bisāt-e-shauq sajā.egī jashn-zāroñ ko

zarā sī baat hai īmā-e-raushnī samjho

añdherā zāhir-o-bātin kā chāk-chāk rahe

rahe na mus.haf-e-hastī kudūratoñ se ġhalīz

matā.a-e-fe.al-o-suḳhan laġhzishoñ se paak rahe

safā-o-sidq hoñ kirdār kī khulī tahrīr

na koī vahm ho baaqī na koī baak rahe

zahe ye hubb-e-baham ai uḳhuvvat-e-islām

tirā vajūd hī shahkār hai nubuvvat kā

bashar-shanās anāsir kā markaz-e-mānūs

sadā-bahār gulistāñ vafā aqīdat kā

bas ek sīna-e-momin meñ jazba-e-īsār

rahegā madd-e-muqābil ye har aziyyat kā

vatan ke mā'raz-e-har-farz-o-zimmedārī meñ

shu.ūr-e-zīst kā āġhāz-e-bā-vaqār hai iid

qadam qadam meñ sameTe ka.ī siyāq-o-sabāq

urūj-e-qaum kī jānib nayā shi.ār hai iid

bas ek nazm hai jamhūr ke irādoñ kā

ye bandagī kā ijāra na iḳhtiyār hai iid

khuli hai KHatm-e-marahil pe surat-e-manzil

ye ek sabr ka samra hai waza-daron ko

gulu ka shahad bar aaya lab-e-shahadat par

tulua-e-mah-e-mubarak ho intizaron ko

tulu-e-subh-e-musaid se sham-e-ishrat tak

bisat-e-shauq sajaegi jashn-zaron ko

zara si baat hai ima-e-raushni samjho

andhera zahir-o-baatin ka chaak-chaak rahe

rahe na mushaf-e-hasti kuduraton se ghaliz

mataa-e-feal-o-suKHan laghzishon se pak rahe

safa-o-sidq hon kirdar ki khuli tahrir

na koi wahm ho baqi na koi bak rahe

zahe ye hubb-e-baham ai uKHuwwat-e-islam

tera wajud hi shahkar hai nubuwwat ka

bashar-shanas anasir ka markaz-e-manus

sada-bahaar gulistan wafa aqidat ka

bas ek sina-e-momin mein jazba-e-isar

rahega madd-e-muqabil ye har aziyyat ka

watan ke ma'raz-e-har-farz-o-zimmedari mein

shuur-e-zist ka aaghaz-e-ba-waqar hai id

qadam qadam mein sameTe kai siyaq-o-sabaq

uruj-e-qaum ki jaanib naya shiar hai id

bas ek nazm hai jamhur ke iradon ka

ye bandagi ka ijara na iKHtiyar hai id