firaq gorakhpur ko tahniyat

nāpnā sahl nahīñ hai tirī azmat kā firāq

qadr karnā kisī māhir kī nahīñ koī mazāq

urdu hogī tire ehsān se kyūñkar be-bāq

kah rahe haiñ gul-o-naġhma ke ye zarrīñ aurāq

qaumī yak-jehtī kā haamī to munāfī-e-nifāq

kyā bayāñ ho tire ausāf-e-hamīda kā firāq

tere paiġhām-e-haqīqī se haiñ labrez asbāq

tū hai sultān-e-adab nazm-o-ġhazal donoñ meñ taaq

tū hai yaktā-e-zamāñ is meñ nahīñ koī kalām

pesh-e-ḳhidmat hai ba-sad ijz ye 'sūfī' kā kalām

giyān piiTh aaj hai shādāñ tujhe de kar in.aam

aaj shohrat kā tirī hai sar-e-aflāk maqām

napna sahl nahin hai teri azmat ka firaq

qadr karna kisi mahir ki nahin koi mazaq

urdu hogi tere ehsan se kyunkar be-baq

kah rahe hain gul-o-naghma ke ye zarrin auraq

qaumi yak-jehti ka hami to munafi-e-nifaq

kya bayan ho tere ausaf-e-hamida ka firaq

tere paigham-e-haqiqi se hain labrez asbaq

tu hai sultan-e-adab nazm-o-ghazal donon mein taq

tu hai yakta-e-zaman is mein nahin koi kalam

pesh-e-KHidmat hai ba-sad ijz ye 'sufi' ka kalam

giyan piTh aaj hai shadan tujhe de kar inam

aaj shohrat ka teri hai sar-e-aflak maqam