firing
firing ho rahī hai
firing ho rahī hai
cricket khelte hue bachche
shor machāte haiñ
magar ghar meñ nahīñ jaate
jaise firing ek jadīd lok giit hai
jis kī dhun par
shor machāte dauḌte hue
cricket khelī jā saktī hai
yā phir
bachchoñ gintī sikhāne kā
koī nayā tarīqa
vo rozāna ek se das
das se sau
aur phir baġhair ruke sau se hazār tak jā pahuñche haiñ
magar firing band nahīñ hotī
vo musalsal jaarī rahtī hai
hameñ patā chaltā hai
bahut ma.amūlī vaj.h se
firing hotī rahtī hai
do dost ek chiḌiyā ko
kapḌe se banī ek Darī huī chiḌiyā ko mārne ke liye nishāna baazī kī mashq kar rahe the
yā do bhaa.ī chhat par rakhe hue
ghī ke ḳhālī Dibboñ sharbat kī botaloñ ko
āsānī se nīche laanā chaah rahe the
yā dīvār par chipke hue
pachās paise ke khoTe sikke ko
zamīn par girāne ke liye
itnī goliyāñ chalā.īñ ga.iiñ
ki log Dar ga.e
unheñ Darnā nahīñ chāhiye
ham kahte haiñ itnī chhoTī bātoñ par
unheñ Darnā nahīñ chāhiye
firing to āġhāz hai
kachhve aur ḳhargosh kī dauḌ kā
chūhe aur billī ke muqāble kā
agar aap use mausīqī samajhte haiñ
to phir puurī tarah us se lutf-andoz huuñ
shor samajhte haiñ
to apne kānoñ meñ ruuī Thūñs leñ
dastak samajhte haiñ
to apne ghar kā darvāza
dil kī tarah band rakheñ
aur jab tak
firing ho rahī hai
bāhar na nikleñ
firing ho rahi hai
firing ho rahi hai
cricket khelte hue bachche
shor machate hain
magar ghar mein nahin jate
jaise firing ek jadid lok git hai
jis ki dhun par
shor machate dauDte hue
cricket kheli ja sakti hai
ya phir
bachchon ginti sikhane ka
koi naya tariqa
wo rozana ek se das
das se sau
aur phir baghair ruke sau se hazar tak ja pahunche hain
magar firing band nahin hoti
wo musalsal jari rahti hai
hamein pata chalta hai
bahut mamuli wajh se
firing hoti rahti hai
do dost ek chiDiya ko
kapDe se bani ek Dari hui chiDiya ko marne ke liye nishana bazi ki mashq kar rahe the
ya do bhai chhat par rakhe hue
ghi ke KHali Dibbon sharbat ki botalon ko
aasani se niche lana chah rahe the
ya diwar par chipke hue
pachas paise ke khoTe sikke ko
zamin par girane ke liye
itni goliyan chalain gain
ki log Dar gae
unhen Darna nahin chahiye
hum kahte hain itni chhoTi baaton par
unhen Darna nahin chahiye
firing to aaghaz hai
kachhwe aur KHargosh ki dauD ka
chuhe aur billi ke muqable ka
agar aap use mausiqi samajhte hain
to phir puri tarah us se lutf-andoz hun
shor samajhte hain
to apne kanon mein rui Thuns len
dastak samajhte hain
to apne ghar ka darwaza
dil ki tarah band rakhen
aur jab tak
firing ho rahi hai
bahar na niklen
- Book : saarii nazmen (Pg. 361)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.