fishshajaril-aKHzar-e-nar

hare daraḳhtoñ se aag barse

nigār-ḳhānoñ meñ ḳhār-o-ḳhas haiñ

chamakte pattoñ ke dāmanoñ par

lachaktī Dāloñ pe Tahniyoñ par

guloñ kī laalī meñ kār-farmā

lahū shahīdoñ kā har taraf hai

alaav jhīloñ meñ the kañval ke

vo raakh jal ke hue haiñ kab ke

diye bujhā kar kañval kī thālī

dukān-e-sangīn-o-bam sajā.e

ajal ke qāsid kī muntazir hai

vo ḳhushbuoñ ke latīf lahre

kahīñ nahīñ hai nishān un kā

na.ī hai khetī na.ī haiñ fasleñ

ugeñge khetoñ meñ top gole

kahīñ pe golī kī bāliyāñ bhī

kahīñ ugeñgī saroñ kī fasleñ

kahīñ pe dast-e-hinā ugeñge

kahīñ pe chashm-e-ġhazāl-āsā

kahīñ pe zulf-e-dotā ugegī

kahīñ zabān-e-burīda hogī

kahīñ tarāshīda pā ugeñge

jo aaj bo.eñge kal ugegā

havā kā samra bagūle hoñge

sharar se sho.ale ugā kareñge

magar jo ḳhirman haiñ zulmatoñ ke

kabhī to un par itaab hogā

kabhī to barq-e-tapāñ giregī

kabhī to roz-e-hisāb hogā

kabhī haqīqat-shanās uTh kar

batā.eñge ye lahū hai kis kā

ye kis ke lāshe haiñ aise āḳhir

ki baad sadiyoñ ke ḳhanda-lab haiñ

hare daraKHton se aag barse

nigar-KHanon mein KHar-o-KHas hain

chamakte patton ke damanon par

lachakti Dalon pe Tahniyon par

gulon ki lali mein kar-farma

lahu shahidon ka har taraf hai

alaw jhilon mein the kanwal ke

wo rakh jal ke hue hain kab ke

diye bujha kar kanwal ki thaali

dukan-e-sangin-o-bam sajae

ajal ke qasid ki muntazir hai

wo KHushbuon ke latif lahre

kahin nahin hai nishan un ka

nai hai kheti nai hain faslen

ugenge kheton mein top gole

kahin pe goli ki baaliyan bhi

kahin ugengi saron ki faslen

kahin pe dast-e-hina ugenge

kahin pe chashm-e-ghazal-asa

kahin pe zulf-e-dota ugegi

kahin zaban-e-burida hogi

kahin tarashida pa ugenge

jo aaj boenge kal ugega

hawa ka samra bagule honge

sharar se shoale uga karenge

magar jo KHirman hain zulmaton ke

kabhi to un par itab hoga

kabhi to barq-e-tapan giregi

kabhi to roz-e-hisab hoga

kabhi haqiqat-shanas uTh kar

bataenge ye lahu hai kis ka

ye kis ke lashe hain aise aaKHir

ki baad sadiyon ke KHanda-lab hain