gae

ghaas ke sabz maidān to rah ga.e haiñ faqat ḳhvāb meñ

merā bhārī badan

chāroñ pairoñ kī tahrīk par uTh ke chal to paḌā hai

in āvāra galiyoñ kī añgḌā.iyoñ meñ

magar shahr kī dauḌtī phirtī sāñsoñ se Takrā ke

mismār hone lagī hai mirī har adā

ab to āvāra galiyoñ kī parchhā.īñ meñ

makkhiyāñ shauq se kar rahī haiñ zinā

mirī maġhmūm aañkh ke aflāk par

apnī dum ko hilā kar karūñ kab talak aañkh TeḌhī uḌānoñ ko sīdhī batā

rāstoñ par bhaTakte hue

ruuh kī parvarish ke liye

do jahānoñ ke kāġhaz ko muñh meñ musalsal chabātī huuñ maiñ

saarī ummat kī maañ ban ke

apne hī phailāo meñ baiTh jaatī huuñ maiñ

ab ke jab mujh ko maañ hī banāyā gayā to phir

us muqaddas badan meñ jo ghar kar ga.e haiñ

in andhe sahīfoñ se nikle hue duudh ke chand qatre piyo

aur apne sarāboñ kī gahrā.iyoñ meñ jiyo

ghas ke sabz maidan to rah gae hain faqat KHwab mein

mera bhaari badan

chaaron pairon ki tahrik par uTh ke chal to paDa hai

in aawara galiyon ki angDaiyon mein

magar shahr ki dauDti phirti sanson se Takra ke

mismar hone lagi hai meri har ada

ab to aawara galiyon ki parchhain mein

makkhiyan shauq se kar rahi hain zina

meri maghmum aankh ke aflak par

apni dum ko hila kar karun kab talak aankh TeDhi uDanon ko sidhi bata

raston par bhaTakte hue

ruh ki parwarish ke liye

do jahanon ke kaghaz ko munh mein musalsal chabaati hun main

sari ummat ki man ban ke

apne hi phailao mein baiTh jati hun main

ab ke jab mujh ko man hi banaya gaya to phir

us muqaddas badan mein jo ghar kar gae hain

in andhe sahifon se nikle hue dudh ke chand qatre piyo

aur apne sarabon ki gahraiyon mein jiyo