gard-e-karwan

ham na hoñge tum na hoge yaad ik taḌpā.egī

rāste meñ sirf gard-e-kārvāñ rah jā.egī

mere aañsū kah rahe haiñ jo kahānī vo suno

jo sunātī hai ye dariyā kī ravānī vo suno

lahr tanhā ek din sāhil se sar Takrā.egī

rāste meñ sirf gard-e-kārvāñ rah jā.egī

ek duuje ko na pahchāneñ to jīvan kuchh nahīñ

ek hī chehra nazar aa.e to darpan kuchh nahīñ

ek din is aa.ine se ye nazar Takrā.egī

rāste meñ sirf gard-e-kārvāñ rah jā.egī

be-ruḳhī kī ibtidā aur intihā kuchh bhī nahīñ

bevafā.ī ek jhoñke ke sivā kuchh bhī nahīñ

zulf ko jitnā lapeToge bikhartī jā.egī

rāste meñ sirf gard-e-kārvāñ rah jā.egī

hai ġhalat-fahmī bahut sadma hai is ik baat kā

jab na hogī sham.a tab ehsās hogā raat kā

har taraf hogā añdherā zindagī ghabrā.egī

rāste meñ sirf gard-e-kārvāñ rah jā.egī

ham na hoñge tum na hoge yaad ik taḌpā.egī

rāste meñ sirf gard-e-kārvāñ rah jā.egī

man kī āñkheñ khol kar gar jāgtā maalī rahe

phir guloñ se baaġh apnā kis tarah ḳhālī rahe

mahak varna kauḌiyoñ ke bhaav meñ bik jā.egī

rāste meñ sirf gard-e-kārvāñ rah jā.egī

hum na honge tum na hoge yaad ek taDpaegi

raste mein sirf gard-e-karwan rah jaegi

mere aansu kah rahe hain jo kahani wo suno

jo sunati hai ye dariya ki rawani wo suno

lahr tanha ek din sahil se sar Takraegi

raste mein sirf gard-e-karwan rah jaegi

ek duje ko na pahchanen to jiwan kuchh nahin

ek hi chehra nazar aae to darpan kuchh nahin

ek din is aaine se ye nazar Takraegi

raste mein sirf gard-e-karwan rah jaegi

be-ruKHi ki ibtida aur intiha kuchh bhi nahin

bewafai ek jhonke ke siwa kuchh bhi nahin

zulf ko jitna lapeToge bikharti jaegi

raste mein sirf gard-e-karwan rah jaegi

hai ghalat-fahmi bahut sadma hai is ek baat ka

jab na hogi shama tab ehsas hoga raat ka

har taraf hoga andhera zindagi ghabraegi

raste mein sirf gard-e-karwan rah jaegi

hum na honge tum na hoge yaad ek taDpaegi

raste mein sirf gard-e-karwan rah jaegi

man ki aankhen khol kar gar jagta mali rahe

phir gulon se bagh apna kis tarah KHali rahe

mahak warna kauDiyon ke bhaw mein bik jaegi

raste mein sirf gard-e-karwan rah jaegi