gaurayya

bachpan meñ gaurayyā ko dekh kar lagtā thā

kaash maiñ gaurayyā hotī

ghar ke raushan-dān meñ rahne vaalī

jis ko sub.h sab se pahle añdherā chhoḌ kar jaatā

aur jis ke pañkh kī uḌaan gaañv kī had tak thī

tab khetoñ meñ zahr nahīñ boyā jaatā thā

barsoñ baad dekhā

a-c ke chakkar meñ raushan-dān nahīñ rahe

kirdār ke chakkar meñ ḳhāndān nahīñ rahe

āñgan kī jagah le lī

dining hall ne

gaurayyā apne jhunD ke saath dar-ba-dar ho ga.ī

railway isTeshnoñ ke tāroñ par

rāt-bhar baiThī rahtī hai

qatār meñ

musāfiroñ kī tarah

kisī Time travel kī train pakaḌne kī ummīd meñ

shāyad unheñ phir se

mil jaa.e koī āñgan

jahāñ bachchoñ ke haath kā girā daana

chunñe kā mile mauqa

phir se

chhoTe bachchoñ kī

nazmoñ aur kahāniyoñ meñ hī nahīñ

sapnoñ meñ bhī chahchahā.e

gaurayyā

bachpan mein gaurayya ko dekh kar lagta tha

kash main gaurayya hoti

ghar ke raushan-dan mein rahne wali

jis ko subh sab se pahle andhera chhoD kar jata

aur jis ke pankh ki uDan ganw ki had tak thi

tab kheton mein zahr nahin boya jata tha

barson baad dekha

a-c ke chakkar mein raushan-dan nahin rahe

kirdar ke chakkar mein KHandan nahin rahe

aangan ki jagah le li

dining hall ne

gaurayya apne jhunD ke sath dar-ba-dar ho gai

railway isTeshnon ke taron par

raat-bhar baiThi rahti hai

qatar mein

musafiron ki tarah

kisi Time trawel ki train pakaDne ki ummid mein

shayad unhen phir se

mil jae koi aangan

jahan bachchon ke hath ka gira dana

chunne ka mile mauqa

phir se

chhoTe bachchon ki

nazmon aur kahaniyon mein hi nahin

sapnon mein bhi chahchahae

gaurayya