geTu gire

ik thā geTū gire

us ke do mor the

ik kā kaalā thā sar

ik ke piile the par

daana khāte the vo

dum hilāte the vo

shaam ko din Dhale

apne ghar se chale

the baḌī lahr meñ

aa ga.e shahr meñ

kuchh vahāñ sair kī

kuchh yahāñ sair kī

TarTarāte hue

gaanā gaate hue

jab añdherā huā

geTū ghabrā gayā

dil meñ kahne lagā

ye hai kyā mājrā

ab tak aa.e nahīñ

jaane kyā vo kahīñ

rāsta kho ga.e

yā kahīñ so ga.e

aap jaatā huuñ maiñ

un ko laatā huuñ maiñ

bolī geTū kī maañ

tum chale ho kahāñ

chhoḌ do chhoḌ do

ḳhud hī ā.eñge vo

sar khujāte hue

dum hilāte hue

bolā geTū gire

mor donoñ mire

saḳht nādān haiñ

saḳht anjān haiñ

vo to Dar jā.eñge

ghuT ke mar jā.eñge

bolī geTū kī maañ

baat sun merī jaañ

tū hai geTū gire

tū unheñ chhoḌ de

dekhte dekhte

mor ghar aa ga.e

sar khujāte hue

dum hilāte hue

bole geTū miyāñ

bolo tum the kahāñ

itne chālāk ho

itne bebāk ho

phir jo jāoge tum

maar khāoge tum

us kī is baat se

mor ḳhush ho ga.e

par lage kholne

phir lage bolne

dum hilāne lage

gaanā gaane lage

ek tha geTu gire

us ke do mor the

ek ka kala tha sar

ek ke pile the par

dana khate the wo

dum hilate the wo

sham ko din Dhale

apne ghar se chale

the baDi lahr mein

aa gae shahr mein

kuchh wahan sair ki

kuchh yahan sair ki

TarTaraate hue

gana gate hue

jab andhera hua

geTu ghabra gaya

dil mein kahne laga

ye hai kya majra

ab tak aae nahin

jaane kya wo kahin

rasta kho gae

ya kahin so gae

aap jata hun main

un ko lata hun main

boli geTu ki man

tum chale ho kahan

chhoD do chhoD do

KHud hi aaenge wo

sar khujate hue

dum hilate hue

bola geTu gire

mor donon mere

saKHt nadan hain

saKHt anjaan hain

wo to Dar jaenge

ghuT ke mar jaenge

boli geTu ki man

baat sun meri jaan

tu hai geTu gire

tu unhen chhoD de

dekhte dekhte

mor ghar aa gae

sar khujate hue

dum hilate hue

bole geTu miyan

bolo tum the kahan

itne chaalak ho

itne bebak ho

phir jo jaoge tum

mar khaoge tum

us ki is baat se

mor KHush ho gae

par lage kholne

phir lage bolne

dum hilane lage

gana gane lage