ghoDa

asp īrāñ meñ arab meñ faras kahlātā hai ye

aur hindostān meñ ghoḌā kahā jaatā hai ye

jaan de detā hai mālik ke liye ye jānvar

ye hai tāqat-var bahādur ye hai bā-himmat niDar

jañg talvāroñ se hotī thī jab hindostān meñ

ye dikhātā thā shujā.at jañg ke maidān meñ

khel hockey kī tarah polo bhī hotā thā magar

khelte the log polo bhī usī par baiTh kar

hai zarūrat us kī ab tāñga chalāne ke liye

pālte haiñ ab use rozī kamāne ke liye

ik zarūrat aur bhī ghoḌe kī hai is des meñ

jo juārī haiñ vo dauḌāte haiñ is ko race meñ

shukr kartā hai ye khā kar naañd meñ jo paas ho

hoñ chane bhīge hue 'sāhil' ki sūkhī ghaas ho

asp iran mein arab mein faras kahlata hai ye

aur hindostan mein ghoDa kaha jata hai ye

jaan de deta hai malik ke liye ye jaanwar

ye hai taqat-war bahadur ye hai ba-himmat niDar

jang talwaron se hoti thi jab hindostan mein

ye dikhata tha shujaat jang ke maidan mein

khel hockey ki tarah polo bhi hota tha magar

khelte the log polo bhi usi par baiTh kar

hai zarurat us ki ab tanga chalane ke liye

palte hain ab use rozi kamane ke liye

ek zarurat aur bhi ghoDe ki hai is des mein

jo juari hain wo dauDate hain is ko race mein

shukr karta hai ye kha kar nand mein jo pas ho

hon chane bhige hue 'sahil' ki sukhi ghas ho