ghoDa

tum ne dekhā hogā ghoḌā

kyā siinā us kā hai chauḌā

shakl hai pyārī vo hai bāñkā

kāThī achchhī rang bhī achchhā

baal us kī dam aur gardan ke

kyā haiñ mulā.em aur chamkīle

gol qadam haiñ Tāñgeñ patlī

rāneñ tāqat-var aur chipTī

na.al agar hoñ sum nahīñ ghiste

dauḌte haiñ ārām se ghoḌe

sum haiñ saḳht kuchh aise bachcho

kāTeñ to iizā na ho us ko

kaan haiñ chhoTe khaḌe nukīle

daañt haiñ muñh meñ aage pīchhe

ghaas chanā bas is kī ġhizā hai

chabā chabā kar ye khātā hai

tez hai itnā dauḌne vaalā

dam ka.ī mīloñ meñ hai letā

aql samajh achchhī hai is kī

aur vafā bhī is meñ paa.ī

rakhtā hai ye yaad vo rasta

is ne jo ik baar bhī dekhā

taabe apne mālik kā hai

us ke ishāre par chaltā hai

ranj meñ aaqā ko jo hai paatā

apnī jaan ko bhī hai khapātā

tum bhī sabaq lo is se bachcho

apne baḌoñ ko raazī rakkho

jo kahtā hai 'jauhar' maano

is kī baat ko jhuuT na maano

tum ne dekha hoga ghoDa

kya sina us ka hai chauDa

shakl hai pyari wo hai banka

kaThi achchhi rang bhi achchha

baal us ki dam aur gardan ke

kya hain mulaem aur chamkile

gol qadam hain Tangen patli

ranen taqat-war aur chipTi

nal agar hon sum nahin ghiste

dauDte hain aaram se ghoDe

sum hain saKHt kuchh aise bachcho

kaTen to iza na ho us ko

kan hain chhoTe khaDe nukile

dant hain munh mein aage pichhe

ghas chana bas is ki ghiza hai

chaba chaba kar ye khata hai

tez hai itna dauDne wala

dam kai milon mein hai leta

aql samajh achchhi hai is ki

aur wafa bhi is mein pai

rakhta hai ye yaad wo rasta

is ne jo ek bar bhi dekha

tabe apne malik ka hai

us ke ishaare par chalta hai

ranj mein aaqa ko jo hai pata

apni jaan ko bhi hai khapata

tum bhi sabaq lo is se bachcho

apne baDon ko raazi rakkho

jo kahta hai 'jauhar' mano

is ki baat ko jhuT na mano