ghoDe ki maut

ghoḌā marā hai

ki vo aglī Tāñgoñ ko

uupar uThātā huā

mere dil meñ

kahīñ nāchtā hai

use maut yuuñ aa.ī

logoñ ko jaise vabā gher letī hai

yakdam

baḌe shahr ko gher lete haiñ

āhista āhista jaise mazāfāt

raqqāsoñ ke biich

yuuñ ghir gayā thā

siyah-rang ghoḌā

siyah-rang logoñ meñ ghirtī hai

jaise tavā.if

siyah-rang ghoḌe ke

ghuTnoñ ke nīche

vo ghuñghrū bañdhe the

jo logoñ ke siine meñ bajte the

galiyāñ ujaḌtī thiiñ bāzār sajte the

ghoḌe ko shāyad

tavā.if kī azalī kahānī thī azbar

jise sun ke vo raqs karte hue mar gayā

apne māthe sitāroñ bhare apne māthe ko

logoñ ke qadmoñ meñ

yuuñ Tekte Tekte mar gayā

aise lagtā hai

ghoḌe ke siine meñ

shā'ir kā dil thā

vo ghoḌā mire dil meñ

ik ḳhvāb kī shakl meñ

jāgtā hai

mire dil ke maidān meñ

puurī mastī se

naḳhre se

nāzoñ se

Tāñgoñ ko

ThoḌī ke nazdīk laatā huā

mustaqil bhāgtā hai

ghoDa mara hai

ki wo agli Tangon ko

upar uThata hua

mere dil mein

kahin nachta hai

use maut yun aai

logon ko jaise waba gher leti hai

yakdam

baDe shahr ko gher lete hain

aahista aahista jaise mazafat

raqqason ke bich

yun ghir gaya tha

siyah-rang ghoDa

siyah-rang logon mein ghirti hai

jaise tawaif

siyah-rang ghoDe ke

ghuTnon ke niche

wo ghunghru bandhe the

jo logon ke sine mein bajte the

galiyan ujaDti thin bazar sajte the

ghoDe ko shayad

tawaif ki azali kahani thi azbar

jise sun ke wo raqs karte hue mar gaya

apne mathe sitaron bhare apne mathe ko

logon ke qadmon mein

yun Tekte Tekte mar gaya

aise lagta hai

ghoDe ke sine mein

sha'ir ka dil tha

wo ghoDa mere dil mein

ek KHwab ki shakl mein

jagta hai

mere dil ke maidan mein

puri masti se

naKHre se

nazon se

Tangon ko

ThoDi ke nazdik lata hua

mustaqil bhagta hai