girta hua daraKHt

kyā vo bhī

kabhī thā

haañ vo thā

ek chhoTā sā biij

ek din

zamīn se bāhar aayā

pal pal baḌhtā rahā

pal pal tarastā rahā

rihā.ī ke liye

lekin

rihā.ī har kisī ko nahīñ miltī

vo ek hī jagah

khaḌā huā

baḌhtā hī chalā gayā

kyā is ne phal diye?

nahīñ

lekin vo

phal dene ke qābil bin gayā

ek din

bahut zor kā tūfān aayā

sab kuchh ukhāḌ ke le gayā

kyā use bhii?

haañ use bhii...

ka.ī din udāsī rahī

āḳhir

kitne din

ek din sab kuchh

phir se vaisā hī ho gayā

lekin

us daraḳht kī jagah

kabhī na bhar sakī

us daraḳht jaisā

koī nahīñ ho saktā

us ke phaloñ kī tamannā

aaj bhī kahīñ dafan hai

us ke sūkhe patte

aaj bhī

merī yādoñ meñ uḌte haiñ

yaad hai

us kā girnā bhī

us ke kitne ḳhvāb hoñge

kitnī ḳhvāhisheñ hoñgī

kuchh banñe kī

tamannā thī

vo bhī jiinā chāhtā thā

vaqt ne

jiine nahīñ diyā use

kuchh banñe nahīñ diyā use

us daraḳht kī chhāñv merī thī

maiñ

ek parinde kī sūrat

use talāsh kar rahī huuñ

merā āshiyāna

us daraḳht kī ek Tahnī par thā

kya wo bhi

kabhi tha

han wo tha

ek chhoTa sa bij

ek din

zamin se bahar aaya

pal pal baDhta raha

pal pal tarasta raha

rihai ke liye

lekin

rihai har kisi ko nahin milti

wo ek hi jagah

khaDa hua

baDhta hi chala gaya

kya is ne phal diye?

nahin

lekin wo

phal dene ke qabil bin gaya

ek din

bahut zor ka tufan aaya

sab kuchh ukhaD ke le gaya

kya use bhi?

han use bhi

kai din udasi rahi

aaKHir

kitne din

ek din sab kuchh

phir se waisa hi ho gaya

lekin

us daraKHt ki jagah

kabhi na bhar saki

us daraKHt jaisa

koi nahin ho sakta

us ke phalon ki tamanna

aaj bhi kahin dafan hai

us ke sukhe patte

aaj bhi

meri yaadon mein uDte hain

yaad hai

us ka girna bhi

us ke kitne KHwab honge

kitni KHwahishen hongi

kuchh banne ki

tamanna thi

wo bhi jina chahta tha

waqt ne

jine nahin diya use

kuchh banne nahin diya use

us daraKHt ki chhanw meri thi

main

ek parinde ki surat

use talash kar rahi hun

mera aashiyana

us daraKHt ki ek Tahni par tha