glacier

ye hujūm-e-rang-o-bū

ye hangāma-e-hayāt

ye tamāshā-e-roz-o-shab

koī bāzīcha-e-atfāl ho ki na ho

ḳhvāb kisī dīvāne kā ho ki na ho

magar

ek glacier hai dev-qāmat sā

pāniyoñ pe samundaroñ ke

tairtā huā aan se shaan se

Duubā Duubā sā

ubhrā ubhrā sā

be-nām bastiyoñ se aatā hai

aur bahtā rahtā hai dhīre-dhīre

an-dekhī manziloñ kī taraf

magar

garmī-e-qurb-e-nishān-e-manzil se

chaTaḳh jaatā hai

pighal jaatā hai

phir pāniyoñ se mil kar ho jaatā hai pānī-pānī

be-rang-o-bū be-nām dard

ye hujum-e-rang-o-bu

ye hangama-e-hayat

ye tamasha-e-roz-o-shab

koi bazicha-e-atfal ho ki na ho

KHwab kisi diwane ka ho ki na ho

magar

ek glacier hai dew-qamat sa

paniyon pe samundaron ke

tairta hua aan se shan se

Duba Duba sa

ubhra ubhra sa

be-nam bastiyon se aata hai

aur bahta rahta hai dhire-dhire

an-dekhi manzilon ki taraf

magar

garmi-e-qurb-e-nishan-e-manzil se

chaTaKH jata hai

pighal jata hai

phir paniyon se mil kar ho jata hai pani-pani

be-rang-o-bu be-nam dard