gorilla war
bhulā dene kī quvvat se baḌī quvvat nahīñ koī
koī bhī yaad kitnī hī qavī ho
lekin us kā bas yahī anjām honā hai
bhulā dene kī quvvat se mahāz-ārā.ī meñ us ko sadā nākām honā hai
magar ab tak tirī yādeñ
bhulā dene kī quvvat par kisī shab maar kar shab-ḳhūn
us ko dang kartī haiñ
tirī yādeñ bhulā dene kī quvvat se
musalsal jang kartī haiñ
bhula dene ki quwwat se baDi quwwat nahin koi
koi bhi yaad kitni hi qawi ho
lekin us ka bas yahi anjam hona hai
bhula dene ki quwwat se mahaz-arai mein us ko sada nakaam hona hai
magar ab tak teri yaaden
bhula dene ki quwwat par kisi shab mar kar shab-KHun
us ko dang karti hain
teri yaaden bhula dene ki quwwat se
musalsal jang karti hain
- Book : Subh Bakhair Zindagi (Pg. 128)
- Author : Ameer Imam
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
