ghubbare wale ka git

aao bachcho aao bachcho

chhuTe paise laao bachcho

rañg birañge phuul khile haiñ yā mere ġhubbāre haiñ

jaise tum pyāre pyāre ho ye bhī pyāre pyāre haiñ

na.ī adā se na.ī shaan se idhar-udhar lahrāte haiñ

qudrat kī rañgīnī meñ ye aur bhī rañg milāte haiñ

mast fazāoñ meñ bachchoñ ke ye ma.asūm ishāre haiñ

rañg birañge phuul khile haiñ yā mere ġhubbāre haiñ

jitnī lambī Dor ho in kī ye utne hī ūñche jaa.eñ

niil gagan meñ uḌ ke damkeñ duur se ham sab ko lalchā.eñ

tum ho is dhartī ke taare ye ākāsh ke taare haiñ

rañg birañge phuul khile haiñ yā mere ġhubbāre haiñ

niile piile kaale ujle sañg sañg hī rahte haiñ

mil-jul kar ik saath raho sab ye duniyā se kahte haiñ

in kā ye paiġhām hai jag ke saare log hamāre haiñ

rañg birañge phuul khile haiñ yā mere ġhubbāre haiñ

jaise tum pyāre pyāre ho ye bhī pyāre pyāre haiñ

aao bachcho aao bachcho

chhuTe paise lao bachcho

rang birange phul khile hain ya mere ghubbare hain

jaise tum pyare pyare ho ye bhi pyare pyare hain

nai ada se nai shan se idhar-udhar lahraate hain

qudrat ki rangini mein ye aur bhi rang milate hain

mast fazaon mein bachchon ke ye masum ishaare hain

rang birange phul khile hain ya mere ghubbare hain

jitni lambi Dor ho in ki ye utne hi unche jaen

nil gagan mein uD ke damken dur se hum sab ko lalchaen

tum ho is dharti ke tare ye aakash ke tare hain

rang birange phul khile hain ya mere ghubbare hain

nile pile kale ujle sang sang hi rahte hain

mil-jul kar ek sath raho sab ye duniya se kahte hain

in ka ye paigham hai jag ke sare log hamare hain

rang birange phul khile hain ya mere ghubbare hain

jaise tum pyare pyare ho ye bhi pyare pyare hain