gul-e-daudi

almārī meñ paḌe bartanoñ ke saath

ek atiya-dān

jo sadqe ke sukūñ se bharā paḌā hai

aaj is meñ chand sikke

aur Daal diye jā.eñge

taaki balā.eñ duur raheñ

lekin balāoñ ko duur rakhnā

itnā āsān kaise hai

ma.alūm nahīñ

kyā andar kī balāoñ se

chhuTkārā paane kī

koī aisī āsān tadbīr

bhī maujūd hai

shāyad gōgle karnā paḌe

magar maiñ aaj ujlat meñ

ye garm juice kā gilās hī

halq meñ uñDelūñgī aur

gum-shuda añgūThī ko

phir se DhūñDne kī

koshish nahīñ karūñgī

kyūñki vo mujhe

be dhyānī meñ

shīsha ghūrte hue

usī shelf par paḌī milegī

jahāñ ek purānā tōthbrush

aur TuuTī hoī

kañghī rakkhī hai

almari mein paDe bartanon ke sath

ek atiya-dan

jo sadqe ke sukun se bhara paDa hai

aaj is mein chand sikke

aur Dal diye jaenge

taki balaen dur rahen

lekin balaon ko dur rakhna

itna aasan kaise hai

malum nahin

kya andar ki balaon se

chhuTkara pane ki

koi aisi aasan tadbir

bhi maujud hai

shayad google karna paDe

magar main aaj ujlat mein

ye garm juice ka gilas hi

halq mein unDelungi aur

gum-shuda anguThi ko

phir se DhunDne ki

koshish nahin karungi

kyunki wo mujhe

be dhyani mein

shisha ghurte hue

usi shelf par paDi milegi

jahan ek purana toothbrush

aur TuTi hoi

kanghi rakkhi hai