gumbad-numa shaffaf shisha
gumbad-numā shaffāf shīsha
mohaddab
biich se ubhrā huā
gumbad-numā
shaffāf shīsha
jis meñ se chīzeñ
baḌī ma.alūm hotī haiñ
ye dekho
ek chyūñTī
hasht-pā makḌe kī sūrat
chal rahī hai
os kā qatra
musaffā hauz ke mānind
sākin lag rahā hai
ret kā zarra
pahāḌī kī tarah
aflāk ko chhūtā huā mahsūs hotā hai
ghane paanī meñ
jarsūme kī jumbish par
gumāñ hotā hai
jaise sher ne añgḌā.ī lī ho!
hāla-e-ḳhurd o kalāñ meñ
umr bhar
chhoTā baḌā karne ke chakkar meñ
bañdhī rahtī haiñ nazreñ
ek qubbā-dār manzar meñ
azal se jāntī haiñ
bulbula sī
putliyoñ kī sard mehrābeñ
jab is gumbad-numā
shaffāf shīshe se guzar kar
ek markaz par
shuā.eñ jam.a hoñgī
sāmne jo chiiz hogī
jal uThegī!!
gumbad-numa shaffaf shisha
mohaddab
bich se ubhra hua
gumbad-numa
shaffaf shisha
jis mein se chizen
baDi malum hoti hain
ye dekho
ek chyunTi
hasht-pa makDe ki surat
chal rahi hai
os ka qatra
musaffa hauz ke manind
sakin lag raha hai
ret ka zarra
pahaDi ki tarah
aflak ko chhuta hua mahsus hota hai
ghane pani mein
jarsume ki jumbish par
guman hota hai
jaise sher ne angDai li ho!
haala-e-KHurd o kalan mein
umr bhar
chhoTa baDa karne ke chakkar mein
bandhi rahti hain nazren
ek qubba-dar manzar mein
azal se jaanti hain
bulbula si
putliyon ki sard mehraben
jab is gumbad-numa
shaffaf shishe se guzar kar
ek markaz par
shuaen jama hongi
samne jo chiz hogi
jal uThegi!!
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
