gwadar chhawni
agar kahīñ in ke bas meñ ho to
vatan kī miTTī ke chappe chappe pe chhāvnī ho
agar kahīñ in ke bas meñ ho to
badan kī miTTī ke chappe chappe pe chhāvnī ho
jo log ab tak masā.il-e-hast-o-būd hī se nimaT rahe the
ab un meñ ik fasl-e-nīst kaTtī ho aur nābūd ug rahā ho
agar kahīñ in ke bas meñ ho to
zamīn se bārūd ug rahā ho
agar kahīñ in ke bas meñ ho to
hamārī sāñsoñ ke rāste pe bhī ek chaukī hamāre apne mafād meñ ho
ye tank raste meñ aane vaale makān mismār kar ke rakh deñ
ye kohna socheñ
mire vatan ke javān mismār kar ke rakh deñ
ye log vo haiñ
ki chāñd taarā mire vatan kā nishān sangīn meñ piro deñ
agar kahīñ in ke bas meñ ho to
ye nazm sun kar
ḳhayāl ko boot se kuchal deñ
zabān sangīn meñ piro deñ
agar kahīñ in ke bas meñ ho to
agar kahin in ke bas mein ho to
watan ki miTTi ke chappe chappe pe chhawni ho
agar kahin in ke bas mein ho to
badan ki miTTi ke chappe chappe pe chhawni ho
jo log ab tak masail-e-hast-o-bud hi se nimaT rahe the
ab un mein ek fasl-e-nist kaTti ho aur nabud ug raha ho
agar kahin in ke bas mein ho to
zamin se barud ug raha ho
agar kahin in ke bas mein ho to
hamari sanson ke raste pe bhi ek chauki hamare apne mafad mein ho
ye tank raste mein aane wale makan mismar kar ke rakh den
ye kohna sochen
mere watan ke jawan mismar kar ke rakh den
ye log wo hain
ki chand tara mere watan ka nishan sangin mein piro den
agar kahin in ke bas mein ho to
ye nazm sun kar
KHayal ko boot se kuchal den
zaban sangin mein piro den
agar kahin in ke bas mein ho to
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
