han meri mahbuba

tū na to koī bhed hai

aur na hī bhed bharī thailī kā chhuTā huā koī ain mahbūba

haañ merī mahbūba

terā naam pata aur shajara-e-nasab to jānte haiñ ham

andar bāhar

zāhir bātin

donoñ samt hī aane jaane vaale haiñ ham

tere ghar ke bhedī haiñ o bhedan baarī

kabhī haqīqī kabhī majāzī

tarah tarah se tere aam se jism kī lazzat le lete haiñ

apnā to kuchh bhī nahīñ jaatā

lafz se lafz banāne vaale

koī bhī ġham ho

lafz kī golī rañg badalte lamhoñ kī gañgā meñ ghol ke pī jaate haiñ

saare gunāh siyāsī

aḳhlāqī rūhānī

apne saath lipaT kar ḳhvāb kī gahrī be-hoshī meñ

so jaate haiñ

dūsre din tū nayā svāñg rachā letī hai

ham bhī apne apne nusḳhe badal badal kar jī lete haiñ

tu na to koi bhed hai

aur na hi bhed bhari thaili ka chhuTa hua koi ain mahbuba

han meri mahbuba

tera nam pata aur shajara-e-nasab to jaante hain hum

andar bahar

zahir baatin

donon samt hi aane jaane wale hain hum

tere ghar ke bhedi hain o bhedan bari

kabhi haqiqi kabhi majazi

tarah tarah se tere aam se jism ki lazzat le lete hain

apna to kuchh bhi nahin jata

lafz se lafz banane wale

koi bhi gham ho

lafz ki goli rang badalte lamhon ki ganga mein ghol ke pi jate hain

sare gunah siyasi

aKHlaqi ruhani

apne sath lipaT kar KHwab ki gahri be-hoshi mein

so jate hain

dusre din tu naya swang racha leti hai

hum bhi apne apne nusKHe badal badal kar ji lete hain