haidar aabaad

fazā jāñ-fazā zarra-zarra hasīñ hai

haqīqat meñ mulk-e-dakan gul-zamīñ hai

agar mehr-o-ulfat kī jannat kahīñ hai

to be-shak yahīñ hai yahīñ hai yahīñ hai

zamāna dil-āzār hai bhī to kyā ġham

mujhe terī dildāriyoñ kā yaqīñ hai

nafāsat barastī hai dīvār-o-dar se

tirī ḳhaak meñ nik.hat-e-yāsmīñ hai

tirī yaad yād-e-vatan se hai ḳhush-tar

tirā zikr taskīn-e-qalb-e-hazīñ hai

bahisht-e-nazar murġh-zār-e-ġhazālāñ

havā terī mauj-e-mai-o-angbīñ hai

bahut ḳhushnumā shahr dekhe haiñ maiñ ne

magar terā jaadū kahīñ bhī nahīñ hai

faza jaan-faza zarra-zarra hasin hai

haqiqat mein mulk-e-dakan gul-zamin hai

agar mehr-o-ulfat ki jannat kahin hai

to be-shak yahin hai yahin hai yahin hai

zamana dil-azar hai bhi to kya gham

mujhe teri dildariyon ka yaqin hai

nafasat barasti hai diwar-o-dar se

teri KHak mein nikhat-e-yasmin hai

teri yaad yaad-e-watan se hai KHush-tar

tera zikr taskin-e-qalb-e-hazin hai

bahisht-e-nazar murgh-zar-e-ghazalan

hawa teri mauj-e-mai-o-angbin hai

bahut KHushnuma shahr dekhe hain main ne

magar tera jadu kahin bhi nahin hai