hum bure log hain

tum hī achchhe the kisī se kabhī takrār na kī

tum ki takrār ke ḳhūgar bhī na the

tum hī achchhe the

jo min-jumla-e-arbāb-e-nazar rahte the

shahar-e-pur-hausla meñ

sheva-e-ahal-e-hunar par kabhī tanqīd na kī

itne bebas the ki jab vaqt paḌā

apnī bhī tā.īd na kī

ham bure log haiñ sach kahte haiñ

ham bure log haiñ ḳhush-nūdī-e-arbāb-e-asar ke bāġhī

kabhī qatre ko samundar na likhā

kisī zarre ko bhī sahrā na kahā

qarz-e-ā.īna chukāne ke liye aks se mahrūm hue

aur insāñ se mohabbat kā sila

ik sazā yāfta mujrim kī tarah zinda haiñ

tum hi achchhe the kisi se kabhi takrar na ki

tum ki takrar ke KHugar bhi na the

tum hi achchhe the

jo min-jumla-e-arbab-e-nazar rahte the

shahar-e-pur-hausla mein

shewa-e-ahal-e-hunar par kabhi tanqid na ki

itne bebas the ki jab waqt paDa

apni bhi taid na ki

hum bure log hain sach kahte hain

hum bure log hain KHush-nudi-e-arbab-e-asar ke baghi

kabhi qatre ko samundar na likha

kisi zarre ko bhi sahra na kaha

qarz-e-aina chukane ke liye aks se mahrum hue

aur insan se mohabbat ka sila

ek saza yafta mujrim ki tarah zinda hain