hum ek hain

ek hai apnī zamīñ

ek hai apnā gagan

ek hai apnā jahāñ

ek hai apnā vatan

apne sabhī sukh ek haiñ

apne sabhī ġham ek haiñ

āvāz do ham ek haiñ

ye vaqt khone kā nahīñ

ye vaqt sone kā nahīñ

jaago vatan ḳhatre meñ hai

saarā chaman ḳhatre meñ hai

phūloñ ke chehre zard haiñ

zulfeñ fazā kī gard haiñ

umḌā huā tūfān hai

ghar kī hifāzat farz hai

bedār ho bedār ho

āmāda-e-paikār ho

āvāz do ham ek haiñ

ye hai himāla kī zamīñ

tāj-o-ajantā kī zamīñ

sangam hamārī aan hai

chittor apnī shaan hai

gul-marg kā mahkā chaman

jamunā kā taT gokul kā ban

gangā ke dhāre apne haiñ

ye sab hamāre apne haiñ

kah do koī dushman-nazar

uTThe na bhūle se idhar

kah do ki ham bedār haiñ

kah do ki ham tayyār haiñ

āvāz do ham ek haiñ

uTTho javānān-e-vatan

bāñdhe hue sar se kafan

uTTho dakan kī or se

gang-o-jaman kī or se

punjab ke dil se uTho

satlaj ke sāhil se uTho

bangāl se gujrāt se

kashmīr ke bāġhāt se

nefā se rājasthān se

kul ḳhāk-e-hindostān se

āvāz do ham ek haiñ

ham ek haiñ

ham ek haiñ

ek hai apni zamin

ek hai apna gagan

ek hai apna jahan

ek hai apna watan

apne sabhi sukh ek hain

apne sabhi gham ek hain

aawaz do hum ek hain

ye waqt khone ka nahin

ye waqt sone ka nahin

jago watan KHatre mein hai

sara chaman KHatre mein hai

phulon ke chehre zard hain

zulfen faza ki gard hain

umDa hua tufan hai

ghar ki hifazat farz hai

bedar ho bedar ho

aamada-e-paikar ho

aawaz do hum ek hain

ye hai himala ki zamin

taj-o-ajanta ki zamin

sangam hamari aan hai

chittor apni shan hai

gul-marg ka mahka chaman

jamuna ka taT gokul ka ban

ganga ke dhaare apne hain

ye sab hamare apne hain

kah do koi dushman-nazar

uTThe na bhule se idhar

kah do ki hum bedar hain

kah do ki hum tayyar hain

aawaz do hum ek hain

uTTho jawanan-e-watan

bandhe hue sar se kafan

uTTho dakan ki or se

gang-o-jaman ki or se

punjab ke dil se uTho

satlaj ke sahil se uTho

bangal se gujraat se

kashmir ke baghat se

nefa se rajasthan se

kul KHak-e-hindostan se

aawaz do hum ek hain

hum ek hain

hum ek hain