hum hind ke shaidai

is des kī vaadī meñ har phuul mahaktā hai

har qaum ke rahbar kā kirdār lahaktā hai

apnā ho ki begāna bulbul sā chahaktā hai

har maz.hab-o-millat ne bhārat meñ amaañ paa.ī

ham hind ke rakhvāle ham hind ke shaidā.ī

ik amn-o-mohabbat kī tafsīr hai ye gulshan

īsār-o-uḳhuvvat kī tasvīr hai ye gulshan

ta.amīr-o-taraqqī kī tanvīr hai ye gulshan

har gosha-e-bhārat hai ḳhud apnā tamāshā.ī

ham hind ke rakhvāle ham hind ke shaidā.ī

har fard ko jiine kā andāz sikhā deñge

kyā shai hai ravādārī duniyā ko dikhā deñge

har nasl ke insāñ ko ham ek banā deñge

sūraj kī kiran ab to bādal se nikal aa.ī

ham hind ke rakhvāle ham hind ke shaidā.ī

is des ki wadi mein har phul mahakta hai

har qaum ke rahbar ka kirdar lahakta hai

apna ho ki begana bulbul sa chahakta hai

har mazhab-o-millat ne bhaarat mein aman pai

hum hind ke rakhwale hum hind ke shaidai

ek amn-o-mohabbat ki tafsir hai ye gulshan

isar-o-uKHuwwat ki taswir hai ye gulshan

tamir-o-taraqqi ki tanwir hai ye gulshan

har gosha-e-bhaarat hai KHud apna tamashai

hum hind ke rakhwale hum hind ke shaidai

har fard ko jine ka andaz sikha denge

kya shai hai rawadari duniya ko dikha denge

har nasl ke insan ko hum ek bana denge

suraj ki kiran ab to baadal se nikal aai

hum hind ke rakhwale hum hind ke shaidai