hum izafi miTTi se bane

raushnī qatl huī

to jism ḳhālī ho ga.e

zindagī kā ġhubār hī hamārā hāsil hai

ham ne parā.e-gharoñ kī rāj-gīrī kī

aur apnī chhat ke ḳhvāb dekhe

hameñ kab mālūm thā

soī dukānoñ kī sīḌhiyāñ hamārā takiya haiñ

hamāre naam izāfī miTTī par likhe ga.e

aur ham faqat logoñ ko dohrāte rahe

ham be-ehtiyāt lamhoñ kā qisās nahīñ the

ham halāl ke the

magar beghar paidā hue

raushni qatl hui

to jism KHali ho gae

zindagi ka ghubar hi hamara hasil hai

hum ne parae-gharon ki raj-giri ki

aur apni chhat ke KHwab dekhe

hamein kab malum tha

soi dukanon ki siDhiyan hamara takiya hain

hamare nam izafi miTTi par likhe gae

aur hum faqat logon ko dohraate rahe

hum be-ehtiyat lamhon ka qisas nahin the

hum halal ke the

magar beghar paida hue