hum ko aagahi na do

ham jaise jī rahe haiñ

ham ko vaise jiine do

ye jo āgahī ke dukh hote haiñ

vo ruuh ko zaḳhmī kar dete haiñ

aur ab tak sirf jismoñ ke ilaaj kī research huī hai

aur vo research bhī kyā

ki doctors ek maraz durust kar ke

dūsrā maraz ugā dete haiñ

ye jo āgahī hai

ye to nāsūr se bhī bad-tar hai

ye to hañste baste insān ko

rulā detī hai

ujaaḌ detī hai

ye jo añdherā hai nā jahālat kā

vo fil-vaqt kitnā sukūn-baḳhsh hai

bachpan ke khilaunoñ se jī bahlāne jaisā

ye jo duniyā hai nā

is ke kyā kyā azaab haiñ

kahāñ kahāñ jañgeñ ho rahī haiñ

aur us ke muharrikāt kyā kyā haiñ

insān hī insān ko maar rahe haiñ

ye jo kā.enāt hai nā

is meñ kitnā paanī bachā hai

kitnī oxigen baaqī hai

kitne sayyāre ḳhalāoñ meñ zamīn ko khāne ke liye ghuum rahe haiñ

ye jo āgahī hai nā

ye to jīte-jī maar rahī hai

ab ham jiite kab haiñ

ham to jiine ke liye falsafe bante rahte haiñ

ham to jiine ke liye sayyāre DhūñDte rahte haiñ

ham to jiine kī adākārī karte haiñ

ham ko āgahī na do

hum jaise ji rahe hain

hum ko waise jine do

ye jo aagahi ke dukh hote hain

wo ruh ko zaKHmi kar dete hain

aur ab tak sirf jismon ke ilaj ki research hui hai

aur wo research bhi kya

ki doctors ek maraz durust kar ke

dusra maraz uga dete hain

ye jo aagahi hai

ye to nasur se bhi bad-tar hai

ye to hanste baste insan ko

rula deti hai

ujaD deti hai

ye jo andhera hai na jahaalat ka

wo fil-waqt kitna sukun-baKHsh hai

bachpan ke khilaunon se ji bahlane jaisa

ye jo duniya hai na

is ke kya kya azab hain

kahan kahan jangen ho rahi hain

aur us ke muharrikat kya kya hain

insan hi insan ko mar rahe hain

ye jo kaenat hai na

is mein kitna pani bacha hai

kitni oxigen baqi hai

kitne sayyare KHalaon mein zamin ko khane ke liye ghum rahe hain

ye jo aagahi hai na

ye to jite-ji mar rahi hai

ab hum jite kab hain

hum to jine ke liye falsafe bante rahte hain

hum to jine ke liye sayyare DhunDte rahte hain

hum to jine ki adakari karte hain

hum ko aagahi na do