ہم تنہا ہیں

ہم سب کتنے تنہا ہیں

اپنے اندر

اپنا سب دکھ درد سمیٹے

اپنے چہروں پر

نقلی مسکان سجائے

تو بھی میں بھی

تنہا ہیں

اور آتے جاتے لمحوں کو

دیکھ رہے ہیں یوں جیسے ان سے

اپنا گہرا رشتہ ہے

کتنے پاگل ہیں

ہم دونوں

میں بھی تو بھی

ان آتے جاتے لمحوں کو

اپنا سمجھے بیٹھے ہیں

یہ کب اپنے ہو سکتے ہیں

آنکھیں موندے بڑھتے جانا

سجل سہانے سندر سپنے

پلکوں پلکوں چنتے جانا

ان کی اپنی عادت ہے

کیسے مورکھ ہیں ہم دونوں

زہر غموں کا پیتے ہیں

تو بھی میں بھی جیتے ہیں