hum taswir khench rahe hain

jalte hue makānoñ kī

ham tasvīr utaar rahe haiñ

un kī jo jāneñ bachā bachā kar bhaag rahe haiñ

ham intihā.ī sanjīdgī kī shakloñ meñ jo hamāre chehroñ ko

rulāne ke ban rahī thiiñ

apne muñh bigāḌ bigāḌ kar un logoñ ko dekh rahe haiñ

jo khiḌkiyoñ aur darvāzoñ se apnī jānoñ ko bachāne ke dhoke meñ

maut se gudum paTaḳhne kar rahe haiñ

ye tasvīreñ aḳhbāroñ kī zīnat ban rahī haiñ

T-V un par udaas lafzoñ kī bhar-mār kar rahe haiñ

lekin ye sab jalte hue dhueñ ke bujhne ke saath chup ho jā.egā

aur merā dil jo nā-munāsib vaqt meñ jhulasne ke liye har vaqt tayyār rahtā hai

abhī tak koī camera ījād nahīñ huā

jo is ke jhulasne kī munāsib tasvīr utaar sake

jalte hue makanon ki

hum taswir utar rahe hain

un ki jo jaanen bacha bacha kar bhag rahe hain

hum intihai sanjidgi ki shaklon mein jo hamare chehron ko

rulane ke ban rahi thin

apne munh bigaD bigaD kar un logon ko dekh rahe hain

jo khiDkiyon aur darwazon se apni jaanon ko bachane ke dhoke mein

maut se gudum paTaKHne kar rahe hain

ye taswiren aKHbaron ki zinat ban rahi hain

T-V un par udas lafzon ki bhar-mar kar rahe hain

lekin ye sab jalte hue dhuen ke bujhne ke sath chup ho jaega

aur mera dil jo na-munasib waqt mein jhulasne ke liye har waqt tayyar rahta hai

abhi tak koi camera ijad nahin hua

jo is ke jhulasne ki munasib taswir utar sake